[Note: Our kabayan has been in New Zealand less than 48 hours. Please email me at noel0514@yahoo.com for translations. Thanks for reading! ]
MADAMI NA AKONG NASALUBONG sa kanilang pagdating sa Lupa ng Pangarap, pero ito ang unang pagkakataong mawelcome ka namin ni Mahal sa unang araw ng unang pagdating. Makahulugan at mainit na pagdating, kapatid.
Sa panahon at ihip ng hangin pa lamang kakaiba ang pakiramdam. Malamig at may kagat ang lamig, sa paliparan pa lamang. Maingay at magulo, pero biglang namiss mo ang trapik at usok na di mawawala sa Maynila. Everything is the same, yet different.
Masanay ka na rin sa kaputian ng tao. Maraming Asyano saan ka tumingin, pero dumadami na tayong balat kayumanggi at mababango amuyin mo man ang underarms (kili-kili). Kahit wala na tayo sa Pilipinas kaliwa’t kanan ang kabayan rito, at favorite gawing asawa ng Kiwi ang ating mga Pinay.
Punong-puno pa ng alalahanin at detalye ang bumabagabag sa isipan mo: mga pre-employment requirement, kung saan ka titira, at ang napakahalagang training na dapat nyo nang umpisahan upang maayos na gampanan ang inyong hinihintay na trabaho. Isa-isa lang, mahina ang kalaban.
***** ***** *****
Having stayed in New Zealand for quite a while, I’ve so much and loads and loads of experience and lessons (learned the hard way) to share with you. But besides the most urgent ones, I’d rather that you learn them yourself. Not only because Filipinos are smart and adjust to their environment almost instinctively, but also because these lessons are learned best on your own:
Look right before left, don’t be afraid to speak English assertively, and buy a rice cooker ASAP. Baligtad ang driving lanes sa kabuoan ng New Zealand. Dahil dito, bago ka tumawid ng kalye o lansangan, look right, then look left, then look right again.
Sa lahat ng mga migranteng dumadating sa New Zealand (bukod sa mga lahing puti), ang Pilipino ang pinakamahusay magsalita ng English. Don’t be afraid to show off your English speaking skills. Di lang yon. Twing ibinibigkas mo ang ingles, say it clearly and firmly. You will be appreciated more for this, hindi uso ang malumanay at mahinang magsalita rito. Often, New Zealanders will mistake your soft-spokenness and indecision in speaking out as social shyness and inability to communicate, hindi naman ito tutoo. Practice speaking out, and always with a smile.
Isa sa mga unang mong dapat bilhin ay rice cooker, dahil malaking tulong ito sa pang-araw-araw mong buhay. You will never regret it.
Wag masyadong magtiwala, lalo na sa magaling makipagkwentuhan. Lupa nga ng pangarap dito, pero lupa rin ng oportunista at ng manloloko. Kahit saan naman ay di mawawala ang mga ito, pero dahil di tayo tagarito, madali tayong lapitan at biktimahan ng oportunista
Sari-saring lahi ang babantayan twing matatamis na salita at kunwaring tutulong sa ating paglalakbay patungong ginhawang pinapangarap, pero ang malungkot na katotohanan ay you don’t need to look far beyond your own backyard when guarding against those who pretend to help.
Using familiarity and our vulnerability, those whom we expect to help us sometimes are those who we should be most careful against, and this is in the form of the simplest of gestures like a helping hand, to the more complicated transactions like purchasing a motor vehicle. Minsan ay mas madaling mahulog ang ating luob sa kakulay, kasing-height or katulad ng pananalita. Sinasamantala ito at yung minsan nating pagkakamali ay sapat na para masira ang lahat.
Piliing mabuti ang flatmate. Di maiiwasang sa first year-plus ng ating paglipat rito sa NZ ay aasa ka sa flatmate para makamenos sa gastos. Buo dapat ang tiwala mo sa iyong flatmate, ilan man kayo. Di kailangang maging matalik kayong kaibigan, pero may malasakit at magandang relasyon kayo. Maghihiwalay din kayo balang araw, pero habang buhay ang pagsasama ninyo. Mangyayari lamang ito kung susuriin mong mabuti ang iyong magiging flatmate.
Lahat ng ibang mga payo ay makukuha mo sa pag-iingat, paggamit ng common sense at iyong karanasan. Magdasal tayo lagi. Sa Pilipinas man o sa New Zealand, andyan ang Diyos para sa ating lahat.
God bless, kabayan.
